दाक्सु मिडिया
काठमाण्डौँ । अमेरिकी खर्बपति व्यापारी तथा बहुराष्ट्रिय सफ्टवेयर कम्पनी माइक्रोसफ्टका संस्थापक बिल गेट्सले एप्स्टिनसँग आफ्नो नाम जोडिएको मामिलामा पहिलो पटक मुख खोलेका छन् ।
हालै अमेरिकी न्याय मन्त्रालयले एप्स्टिनसँग सम्बन्धित करिब करिब ३० लाख पृष्ठका कागजात सार्वजनिक गरेको थियो । यसमा गेट्स मात्रै होइन एलन मस्क लगायतका कयौँ अमेरिकी धनाढ्यको पनि नाम आएको थियो ।
अस्ट्रेलियाको ९ न्यूजलाई दिएको अन्तर्वार्तामा गेट्सले एप्स्टिनसँग समय बिताउनु मूर्खता भएको स्वीकार गर्दै त्यसका लागि पश्चात्ताप गर्दै र माफी मागेका छन् । गेट्सले एप्स्टिनसँग आफूले कुनै गलत गतिविधि नगरेको स्पष्ट पारेका छन् ।
सन् २०१३ मा एप्स्टिनले आफैँलाई लेखेको भनिएको इमेललाई उनले झुटो र कहिल्यै नपठाइएको बताए । पूर्वपत्नी मेलिन्डा फ्रेन्च गेट्सले एनपीआरसँगको अन्तर्वार्तामा एपस्टाइनसँग सम्बन्ध राख्ने धनी व्यक्तिहरूले जवाफ दिनुपर्ने बताएपछि यो प्रतिक्रिया आएको हो ।
मेलिन्डाले गेट्सको एपिस्टनसँगको सम्बन्ध वैवाहिक सम्बन्ध टुट्नुका कारणमध्ये एक भएको बताइसकेकी छिन् । गेट्सका अनुसार उनले एप्स्टिनलाई सन् २०११ मा भेटेका थिए ।
उनले एप्स्टिनलाई गेट्स फाउन्डेसनका लागि दाता जुटाउन सक्ने ठानेका थिए । आफू एप्स्टिनको निजी टापुमा कहिल्यै नपुगेको र कुनै महिलालाई नभेटेको दाबी पनि गरेका छन् ।
थप समाचारहरु
नेपालको आन्तरिक मामिलामा चिनियाँ राजदुतको टिप्पणी सह्य हुँदैछः यादव
युरोपले अझै आफ्नो सुरक्षा सुनिश्चित गर्न नसकेको जेलेन्स्कीको भनाई
यसपटक हारे डोनाल्ड ट्रम्प फेरि चुनावमा नउठ्ने
काबुल विमानस्थलमा तालिबानद्वारा विशेष सेना परिचालन
अधिकांश क्यानेडियन आफ्नो देश अमेरिकामा मिसाउन चाहन्छन्: ट्रम्प
प्रतिनिधि सभा पुनःस्थापनाको माग गर्दै आफ्नो पार्टीले देशभर आन्दोलन गर्ने ओलीको चेतावनी
तपाईको प्रतिक्रिया दिनुहोस्