जन्ती गएको कार नदीमा खस्दा बेहुलासहित ९ जनाको मृत्यु

काठमाडौं। भारतको राजस्थानमा गएराती जन्ती गएको कार नदीमा खस्दा बेहुलासहित ९ जनाको मृत्यु भएको छ । जानकारी अनुसार जन्ती चौथको बरवाडाबाट उज्जैन जाँदै थियो । नदीमा डुबेको कारमा बेहुला सहित ९ जना चढेका थिए । सबैको मृत्यु भएको छ । सूचनापछि घटनास्थल पुगेको उद्धार टोलीले कारलाई बाहिर निकालेको छ ।

चौथको बरवाडाबाट किशनलालका छोराको जन्ती इन्दौरको लागि हिँडेको थियो । जन्तीमा गएका गाडीहरुमध्ये एउटा कारको सन्तुलन बिग्रिएपछि चम्बल नदीमा कोटाको नयापुरा पुलबाट खस्यो । यो जोडीको प्रेमविवाह हुन लागेको बताइएको छ । बेहुला अविनाश जयपुरमा काम गर्थे । उनको फेसबुकमार्फत इन्दौरकी युवतीसँग मित्रता र पछि प्रेम भएपछि उनीहरुले बिहे गर्न लागेका थिए ।

थप समाचारहरु

बंगलादेशमा जन्ती हिँडेका १७ जनाको चट्याङ लागेर मृत्यु रौतहटमा जन्ती बोकेको स्कार्पियो नहरमा खस्दा दुई जनाको मृत्यु जन्ती बोकेको सवारी दुर्घटना हुँदा दुई जनाको मृत्यु २४ घाइते जन्ती बोकेको ट्रयाक्टर दुर्घटनामा १ जनाको मृत्यु ३३ घाइते जन्ती बोकेको जिप बैतडीमा दुर्घटना धादिङमा गएको पहिरोमा पाँचवटा गाडी पुरिँदा २ जनाको मृत्यु, ६ जना घाइते