रौतहटमा जन्ती बोकेको स्कार्पियो नहरमा खस्दा दुई जनाको मृत्यु

रौतहट : रौतहटको गढिमाई नगरपालिकाको ६ सिंगारमन धर्मपुरमा जन्ती बोकेको भारतीय नम्बरको स्कार्पियो नहरमा पल्टिएर दुई जनाको मृत्यु भएको छ । मृत्यु हुनेमा काठमाडौं घर भएका ५५ बर्षीय कुल बहादुर श्रेष्ठ र सर्लाही चक्रघट्टा गाउँपालिका ३ सुन्दरपुर बस्ने रबिन्द्र पंडितको छोरी बर्ष ७ की स्वेता पंडित रहेको जिल्ला प्रहरी प्रमुख एसपी दिलीप घिमिरेले बताए ।

उक्त गाडीमा जम्मा १२ जना सवार सवार मध्ये ५ जना सकुशल रहेको, ३ जना नाम थर वतन नखुलेको स्थानीय अस्पताल तर्फ उपचार गर्न पठाईएको प्रहरीले जनाएको छ। चालक भने फरार भएका छन्।

घटनास्थल पुगेका ईलाका प्रहरी कार्यालय गरुडाका प्रमुख डिएसपी रामेश्वर त्वातीका अनुसार गढिमाई ६ सिङगारमन स्थित भित्रि सडक खण्ड धर्मपुर नहरमा धनहारी गाँउबाट सर्लाहीतर्फ जन्ति बोकी जादै गरेको एचआर ७ डी ८३८२ नम्बरको स्कार्पियो गाडी आज बिहान ९ बजे अनियन्त्रित भई नहरमा पल्टिएको थियो।

थप समाचारहरु

रिप लेख्नुहोला रौतहटमा तीर्थालु चढेको गाडी दुर्घटना, एक जनाको मृत्यु जन्ती बोकेको ट्रयाक्टर दुर्घटनामा १ जनाको मृत्यु ३३ घाइते जन्ती बोकेको सवारी दुर्घटना हुँदा दुई जनाको मृत्यु २४ घाइते जन्ती गएको कार नदीमा खस्दा बेहुलासहित ९ जनाको मृत्यु रौतहटमा बस दुर्घटना, १ जनाको मृत्यु, ८ जना घाइते जन्ती बोकेको जिप बैतडीमा दुर्घटना