सुनचाँदी कारोबारमा कडाइ: ५ लाखमै केवाईसी, १० लाख नाघे बैंकिङ भुक्तानी अनिवार्य

सरकारले सुनचाँदी तथा बहुमूल्य वस्तुको कारोबारलाई पारदर्शी बनाउन कडा नियम लागू गरेको छ।

अब ५ लाख रुपैयाँभन्दा बढीको सुनचाँदी किनबेचमा ग्राहकको केवाईसी अनिवार्य हुनेछ भने १० लाख रुपैयाँभन्दा माथिको कारोबार नगदरहित (बैंकिङ प्रणालीमार्फत) मात्र गर्न पाइनेछ।

• 

बेनामी वा काल्पनिक नाममा कारोबार गर्न नपाइने, शंकास्पद लेनदेन तत्काल रिपोर्ट गर्नुपर्ने र अभिलेख ५ वर्षसम्म सुरक्षित राख्नुपर्ने व्यवस्था गरिएको छ।

नियम उल्लङ्घन गरेमा १ करोड रुपैयाँसम्म जरिवाना वा दर्ता खारेजी हुन सक्नेछ। सरकारले यस कदमबाट मनी लाउन्डरिङ र अवैध कारोबार नियन्त्रण हुने अपेक्षा गरेको छ।