एनएमबि बैंकले सुरु गर्‍यो अनलाइन कर्जा आवेदन तथा ट्र्याकिङ सेवा

काठमाडौं । एनएमबि बैंकले ग्राहकका लागि अनलाइन कर्जा आवेदन तथा ‘रियल–टाइम’ ट्र्याकिङ प्रणाली सञ्चालनमा ल्याएको छ।

नयाँ डिजिटल प्रणालीमार्फत ग्राहकले घरबाटै कर्जाका लागि आवेदन दिनुका साथै आवेदन कुन चरणमा पुगेको छ भन्ने जानकारी ‘ट्र्याकिङ आईडी’ मार्फत हेर्न सक्नेछन्। यसबाट कर्जा प्रक्रियालाई सरल, छिटो, पारदर्शी र कागजरहित बनाउन सहयोग पुग्ने बैंकले जनाएको छ।

• 

कर्जा आवेदनका लागि digi.nmb.com.np मा गई ‘Loan Services’ हुँदै आवश्यक कर्जा छनोट गरेर विवरण भर्न सकिने बैंकले जनाएको छ।

हाल एनएमबि बैंकले देशभर १९७ शाखा, १७६ एटीएम र ९ एक्सटेन्सन काउन्टरमार्फत बैंकिङ सेवा दिँदै आएको छ।