हेटौँडामा हरित हाइड्रोजन परियोजना सुरु हुने

काठमाडौं । सरकारले मकवानपुरको हेटौँडामा २५ मेगावाट क्षमताको हरित हाइड्रोजन प्लान्ट स्थापना गर्ने घोषणा गरेको छ। आगामी आर्थिक वर्ष २०८३/८४ को बजेट सार्वजनिक गर्दै अर्थमन्त्री डा. स्वर्णिम वाग्लेले स्वच्छ ऊर्जामा आधारित हाइड्रोजन उत्पादनलाई व्यावसायिक रूपमा अघि बढाइने बताएका हुन्।

सरकारले ऊर्जा क्षेत्रमा नयाँ प्रविधि र वातावरणमैत्री योजनालाई प्राथमिकता दिँदै उक्त परियोजना सुरु गर्न लागेको जनाएको छ। हरित हाइड्रोजन उत्पादनबाट औद्योगिक विकाससँगै वैकल्पिक ऊर्जाको प्रयोग विस्तार हुने अपेक्षा गरिएको छ।

• 

• 

• 

यस्तै, बजेटमार्फत हेटौँडा–ढल्केबर प्रसारण लाइन निर्माण कार्यलाई पनि सम्पन्न गरिने घोषणा गरिएको छ। यसबाट विद्युत् आपूर्ति प्रणाली थप सुदृढ हुने विश्वास सरकारले लिएको छ।