श्रम संस्कृति पार्टीका अध्यक्ष हर्क साम्पाङले मागे प्रधानमन्त्री शाहको राजीनामा

दाक्सु मिडिया

२०८३ बैशाख १६

काठमाण्डौँ । श्रम संस्कृति पार्टीका अध्यक्ष हर्क साम्पाङ राईले प्रधानमन्त्री वालेन्द्र शाहको राजीनामा माग गरेका छन् । प्रधानमन्त्री शाहले मानवताविरोधी गतिविधि गरेको आरोपसहित हर्कले राजीनामा माग गरेका हुन् ।

‘सरकार कुन किसिमले चल्न चाहेको छ भन्ने संकेत देखिएको छ । हरेक कुरामा सेना र प्रहरी बुट–लठ्ठी र बन्दुक । एउटा तीन/चार जना मान्छेको सानो समूहलाई पनि सयौँको संख्यामा प्रहरी देखाएर आतङ्कित बनाउने सुकुम्बासीको लगत सेनाबाट संकलन गर्ने । सबै कुरामा राज्य आतङ्क मच्चाएर मानवताविरोधी गतिविधि गरिरहेको छ’, साम्पाङले भिडियो सन्देशमा भनेका छन्, ‘यसले राष्ट्रिय बेइज्जत भयो । राष्ट्रिय बेइज्जत भएका कारणले राज्य हुनुको पनि मापदण्ड हुन्छ । त्योदेखि तल झारेको कारणले सरकारले राजीनामा दिएर मार्गप्रशस्त गरोस् भन्न चाहन्छु ।’