दाक्सु मिडिया
काठमाण्डौँ । चुनावी कमाण्डर बनेका जिल्ला अध्यक्ष नै श्रम संस्कृति पार्टीमा प्रवेश गरेपछि जनता समाजवादी पार्टी ९जसपा० खोटाङमा हलचल भएको छ ।
अध्यक्ष निर्मल राईको नेतृत्वमा ३७ जनाको समूह हर्क साम्पाङ नेतृत्वको श्रम संस्कृति पार्टीमा प्रवेश गरेको छ । श्रम संस्कृति पार्टीमा प्रवेश गर्नेहरुमा दिक्तेल रुपाकोट मझुवागढी नगरपालिका–१० पाथेकाका वडाध्यक्ष मुगाधन राई, जिल्ला सदस्य राजन राई, खोटाङ–काठमाडौं सम्पर्क समितिका पूर्वअध्यक्ष प्रिथीराज राई लगायत छन् ।
श्रम संस्कृति पार्टीमा प्रवेश गरेका जसपा जिल्ला अध्यक्ष निर्मल राई दिक्तेल रुपाकोट मझुवागढी नगरपालिका–५ लफ्याङका पूर्व वडाध्यक्ष हुन् । यस्तै, मुगाधन लगातार दुई पटक वडाध्यक्षमा निर्वाचित जनप्रतिनिधि हुन् ।
फागुन २१ गते तोकिएको प्रतिनिधिसभा सदस्यको निर्वाचन अन्तरगत चुनावी अभियान चलिरहेकाबेला जिल्ला अध्यक्ष नै अर्को पार्टीमा प्रवेश गरेपछि जसपाका प्रत्यक्ष उम्मेदवार राकेश राई अप्ठेरोमा परेका छन् । श्रम संस्कृति पार्टीले खोटाङमा आरेन राईलाई प्रत्यक्ष उम्मेदवार उठाएको छ ।
चुनावी कमाण्ड सम्हालिरहेका अध्यक्षले नै पार्टी छाडेपछि जसपाले उपाध्यक्ष गुरुराज राईलाई अध्यक्षको जिम्मेवारी सुम्पिएको जनाएको छ ।
यस्तै, कांग्रेस खोटाङका संगठन विभाग प्रमुख विष्णुराज राई पनि श्रम संस्कृति पार्टीमा प्रवेश गरेका छन् ।
२०७० सालको संविधानसभा सदस्य निर्वाचनमा बागी उम्मेदवारी दिएका कारण पाँच वर्ष निष्कासनमा परेका विष्णुराजले अन्ततस् श्रम संस्कृति पार्टी रोजेका हुन् ।
थप समाचारहरु
धरानका मेयर हर्क साम्पाङद्वारा पुन्य गौतमलाई श्रम संस्कृति पार्टीमा स्वागत
श्रम संस्कृति पार्टी देशभर विस्तार
राष्ट्रियसभा चुनावको मतपत्रमा पहिलो नम्बरमा एमाले, अन्तिममा श्रम संस्कृति पार्टी
धरानबाट नयाँ विकल्प: श्रम संस्कृति पार्टीले गठबन्धन बिना चुनाव लड्ने निर्णय
खेल श्रम संस्कृति र अर्थतन्त्रको आधारसमेत हो : प्रधानमन्त्री दाहाल
जिल्ला हुलाक कार्यालय खोटाङका प्रमुख आचार्य र उनका छोरा मृत फेला
तपाईको प्रतिक्रिया दिनुहोस्