टी–२० विश्वकप: वेस्ट इन्डिजलाई नेपालले १३४ रनको लक्ष्य प्रस्तुत

काठमाडौँ — मुम्बईस्थित वानखेडे मैदानमा जारी टी–२० विश्वकप खेलमा नेपालले वेस्ट इन्डिजलाई १३४ रनको लक्ष्य दिएको छ।

टस हारेर पहिले ब्याटिङमा उत्रिएको नेपालले २० ओभरमा ८ विकेट गुमाएर १३३ रन बनायो। दीपेन्द्र सिंह ऐरीले ४७ बलमा ५८ रन जोड्दै अर्धशतक पूरा गरे। यसअघि सुवास प्याकुरेलले पनि अर्धशतक बनाएका थिए। सोमपाल कामी २६ रनमा अविजित रहे।

• 

अन्य ब्याट्सम्यानले यसरी रन जोडेको छन्: लोकेश बम १३, आसिफ शेख ११, गुलशन झाले ११, रोहित पौडेल ५, आरिफ शेख २, कुशल भुर्तेल १।

बलिङतर्फ वेस्ट इन्डिजका जेसन होल्डरले ४ विकेट लिए भने अकिल हुसेन, म्याथ्यु फोर्डे, समर जोसेफ र रोस्टन चेजले एक–एक विकेट लिए।

दुबै टोलीका लागि खेल निर्णायक छ। नेपालले आज खेल हार्यो भने प्रतियोगिताको सुपर एटबाट बाहिरिनेछ, जबकि वेस्ट इन्डिजले जितेमा सुपर एटमा पुग्नेछ।