पुलिसलाई हराउँदै न्यु डायमन्डले जित्यो महिलातर्फ छैटौँ टाइगर कप

काठमाण्डौँ । विभागीय टोली नेपाल पुलिस क्लबलाई पराजित गर्दै न्यु डायमन्ड युथ स्पोर्ट्स क्लबले छैटौं टाइगर कपको उपाधि जितेको छ।

पोखरा रंगशालास्थित भलिबल कोर्टमा शुक्रबार सम्पन्न खेलमा न्यु डायमन्डले ३–० को सोझो सेटमा जित हासिल गरेको हो ।

• 

पहिलो सेट २५–११ ले जितेको न्यु डायमन्डले त्यसपछिका सेट २५–२२ र २५–१६ ले सहजै आफ्नो पक्षमा पारेको हो ।

प्रथम भएको न्यु डायमण्डले ६ लाख ६६ हजार ६ सय ६६ रुपैँया प्राप्त गरेको छ भने दोस्रो भएको पुलिसले ३ लाख ६६ हजार ६ सय ६६ रुपैँया प्राप्त गरेको छ ।