सर्लाहीमा माटोको ढिस्कोले पुरिँदा ३ बालबालिकासहित ४ जनाको मृत्यु

१५ असोज । सर्लाहीको हरिपुर्वा नगरपालिका–१ हर्दी नदी किनारमा माटो खन्ने क्रममा ढिस्को खस्दा चारजनाको ज्यान गएको छ।

दशैंको तयारीस्वरूप घर लिपपोत गर्न माटो खन्ने क्रममा आज बिहान ९:२० बजे घटना भएको हो।

• 

• 

• 

मृत्यु हुनेमा ६५ वर्षीया सायदा खातुन, ६ वर्षीया सविवा खातुन, ८ वर्षीय डिल्लु मंसुर र ९ वर्षीया नर्गिस खातुन रहेका छन्।

घाइते अवस्थामा उद्धार गरिएकाहरुलाई प्रादेशिक अस्पताल मलंगवा पुर्‍याइएपनि चिकित्सकले सबैलाई मृत घोषणा गरेका हुन्।