दाक्सु मिडिया
२०८२ कार्तिक १२
काठमाण्डौँ । काठमाडौं महानगरपालिका–१८ ढल्कुबाट दुई जना युवक हतियारसहित पक्राउ परेका छन्।
पक्राउ पर्नेमा नुवाकोट लिखु गाउँपालिका–६ का २३ वर्षीय समिर श्रेष्ठ र काभ्रे पनौती नगरपालिका–१० का २३ वर्षीय एलेक्स नेपाली रहेका छन्।
उनीहरूलाई काठमाडौं उपत्यका अपराध अनुसन्धान कार्यालयको टोलीले मंगलबार राति ८ बजे पक्राउ गरेको हो।
उनीहरूको साथबाट एक थान पेस्तोल, एक थान म्याग्जिन र १२ राउण्ड गोली बरामद भएको प्रहरीले जनाएको छ।
एसपी काजीकुमार आचार्यका अनुसार उनीहरूविरुद्ध हातहतियार तथा खरखजना सम्बन्धी कसूरमा जिल्ला प्रहरी परिसर काठमाडौंमा अनुसन्धान सुरु गरिएको छ।
तपाईको प्रतिक्रिया दिनुहोस्