काठमाण्डौँ । नेपाल सुपर लिग (एनएसएल) मा आज झापा एफसी र चितवन एफसीबीच प्रतिस्पर्धा हुँदैछ । खेल त्रिपुरेश्वरस्थित दशरथ रंगशालमा साँझ ६ बजे सुरु हुनेछ ।
७ टोली सहभागि लिगमा एक तिहाई खेल सकिसकेको छ । अहिलेसम्म खेल नजित्ने र गोल पनि नगर्ने टिममा झापा एफसी छ । झापा एफसीले यसअघि खेलेका दुवै खेल गोलरहित बराबरी खेलेको थियो ।
अर्कोतर्फ अहिलेसम्म खेलको दुई खेल जित्दै शतप्रतिशत जित निकाल्ने एक्लो टोलीको रुपमा एफसी चितवन छ । चितवन अंकतालिकाको शीर्ष स्थानमा रहँदा झापा पाँचौ स्थानमा छ ।
खेल नजितेपनि अपराजित रहँदै २ अंक जोडेको झापालाई लयमा रहेको चितवन विरुद्ध गोल गर्ने चुनौती छ ।
फेसबुकबाट तपाईको प्रतिक्रिया