करिम बेन्जेमाको दुई गोल मद्दतमा रियल मड्रिडले ला लिगामा एल्चेलाई ४-० ले पराजित गरेको छ ।
बुधबार राति घरेलु मैदानमा भएको खेलमा मार्को असेस्सियो र लुका मोडरिचले पनि एक-एक गोल गरे ।
खेलको आठौं मिनेटमै असेन्सियोले गोल गर्दै रियललाई अग्रता दिलाएका थिए । त्यसपछि बेन्जेमा दुई पेनाल्टी गोल गरेपछि रियलले पहिलो हाफमै ३-० को अग्रता बनायो ।
बेन्जेमाले ३१औं र पहिलो हाफको इन्जुरी टाइमा पेनाल्टीबाट गोल गरे । मोडरिचले ८०औं मिनेटमा गोल गरे ।
जितपछि रियलले २१ खेलबाट ४८ अंक जोड्दै शीर्ष स्थानको बार्सिलोनासँग अंकदूरी ८ मा झारेको छ।
बार्सिलोना २१ खेलबाट ५६ अंकसहित शीर्ष स्थानमा छ ।
फेसबुकबाट तपाईको प्रतिक्रिया