महसुल नतिर्ने उद्योगको लाइन काट्नु कानुनी कदम हो : मन्त्री घिसिङ

काठमाडौँ । ऊर्जा, जलस्रोत तथा सिँचाइमन्त्री कुलमान घिसिङले डेडिकेटेड र ट्रङ्क लाइनको प्रिमियम महसुल नतिर्ने ठूला उद्योगहरूको लाइन काट्ने निर्णय कानुनअनुसार गरिएको बताएका छन्।

उनले विगतमा राजनीतिक हस्तक्षेपका कारण बक्यौता असुली रोकिएको स्मरण गर्दै यसपटक कानुनी रूपमा कार्यान्वयन भइरहेको बताए।

• 

• 

घिसिङले महसुल नतिर्ने प्रवृत्तिले कर नतिर्ने संस्कार बढाउन सक्ने र राज्य सञ्चालनमै असर पर्ने चेतावनी दिए।

उनले सबै उद्योगीलाई किस्ताबन्दी सुविधा प्रयोग गरी बक्यौता बुझाउन आग्रह गर्दै यो निर्णय व्यक्तिगत अहङ्कार नभई इमानदार प्रयास भएको स्पष्ट पारे।