×

‘देशका समस्याहरु सम्बोधन गर्न कांग्रेस-एमाले एक भयौँ’

असार २५, २०८१ | दाक्सु मिडिया

काठमाडौँ : नेपाली कांग्रेसका सांसद डा. प्रकाशशरण महतले देशका समस्याहरु सम्बोधनका लागि नेपाली कांग्रेस र नेकपा एमाले एक भएको बताएका छन्। मंगलबार संसद भवन परिसरमा सञ्चारकर्मीहरुसँग कुरा गर्दै उनले यस्तो जिकिर गरेका हुन्।

उनले गठबन्धन परिवर्तन गरिरहने, एक अर्को दलसँग मिलेर अस्थिरता निम्त्याइरहने प्रवृत्तिले देशलाई ठिक दिशामा नलैजाने भएकाले कांग्रेस-एमाले मिल्नुपरेको बताए।

‘गठबन्धन परिवर्तन गरिरहने, कहिले एउटा दल, कहिले अर्को दलको प्रवृत्तिले देशलाई ठिक बाटोमा लगेन। आम जनतालाई पनि विश्वास दिन सकेन। कुरा धेरै भए, काम उल्टो भयो। त्यो परिवेशमा देशका जल्दोबल्दो समस्या समाधान गर्ने हो भने दुई ठूला दल बाँकी समयमा स्थिर सरकार बनाउन हामी लागेका हौँ।

‘विकास निर्माणमा जुन अस्थिरता आएको छ, समयमा सम्पन्न नहुने जस्ता समस्या छन्, त्यो समस्या नहोस् र जनताले देख्ने गरी काम गर्ने जिम्मेवारी लिनुपर्छ भन्ने हाम्रो भनाइ छ। दुवै दलले छलफल गरेर सहमति बन्छ। सबैलाई मान्य हुने निस्कर्षमा हामी पुग्नेछाैँ।’ उनले भने। उनले सबैलाई मान्य हुनेगरी मन्त्रालयको बाँडफाँड हुने बताए।’

वर्तमान सरकारले प्रतिवद्धता एउटा र काम अर्को गर्ने गरेको उनकाे आराेप थियाे। उनले संविधानमा रहेका समस्या समावेशिता, समानुपातिकतालाई सुनिश्चित गर्दै निर्वाचन पद्धतिलाई संशोधन गर्न पनिप आफूहरु एक हुनुपरेकाे बताए।

फेसबुकबाट तपाईको प्रतिक्रिया

%d bloggers like this: