मुख्यसचिव अर्याल विरुद्ध भ्रष्टाचार मुद्दा दर्ता

काठमाडौँ : अख्तियार दुरुपयोग अनुसन्धान आयोगले बहालवाला  मुख्यसचिव डा. वैकुण्ठ अर्यालसहित ९ जना सरकारी कर्मचारीविरुद्ध भ्रष्टाचार मुद्दा दर्ता गरेको छ।

यस्तै आन्तरिक राजश्व विभागका गणेश विक्रम शाही, सूचना प्रविधि केन्द्रका सफल श्रेष्ठसहित शाखा अधिकृत रविन्द्र प्रसाद पौडेल र लेखा  अधिकृत विष्णु प्रसाद गौतमलाई पनि प्रतिवादी बनाएर मुद्दा दायर गरिएको अख्तियारले जनाएको छ।यस्तै सरकारी कर्मचारीहरू हरि वल्लभ घिमिरे र शक्तिप्रसाद श्रेष्ठविरुद्ध पनि मुद्दा दायर भएको छ।

अख्तियार दुरुपयोग अनुसन्धान आयोगले  विशेष अदालतमा मुद्दा दायर गरेको प्रतिवादीहरूमा मुख्यसचिव अर्यालसहित, अर्थ सहसचिव रितेश कुमार शाक्य, भन्सार विभागका टेकप्रसाद पाण्डे,  सुरक्षण मुद्रण केन्द्रका तत्कालीन कार्यकारी निर्देशक विकल पौडेल रहेका छन्। पौडेलविरुद्ध यसअघि पनि अख्तियारले सुरक्षण मुद्रण प्रकरणमा भ्रष्टाचार मुद्दा दायर गरिसकेको छ

आयोगलले आइतबार अन्तःशुल्क स्टिकर छपाइ खरिद प्रकरणमा मुख्यसचिव डा वैकुण्ठ अर्यालसहित ९ जना सरकारी कर्मचारीविरुद्ध भ्रष्टाचार मुद्दा दर्ता हो। अख्तियारले जनही ३८ करोड ६७ लाख १७ हजार ६ सय ४० रुपैयाँ बिगो मागदाबीसहित आइतबार विशेष अदालतमा मुद्दा दायर गरेको हो

यसबाहेक अन्तःशुल्क स्टिकर छपाइको ठेक्का पाएको कम्पनी प्रिन्स सेल र त्यसका निर्देशक  केशव शर्मालाई पनि प्रतिवादी बनाइएको छ।

थप समाचारहरु

माधव नेपालसहित को-कोविरुद्ध भ्रष्टाचार मुद्दा दायर भयो ? २४ लाख २७ हजार भ्रष्टाचार गरेको अभियोगमा प्रमुख प्रशासकीय अधिकृतसहित ६ जनाविरुद्ध मुद्दा भक्तपुरका मालपोत प्रमुखसहित दुई जनाविरुद्ध भ्रष्टाचार मुद्दा मल खरिदमा भ्रष्टाचार: १ अर्ब भन्दा बढी बिगोसहित मुद्दा दायर गलत बकपत्र दिनेविरुद्ध मुद्दा दायर अकूत सम्पत्ति कमाएको अभियोगमा इञ्जिनियर श्रेष्ठविरुद्ध मुद्दा दायर