सार्वजनिक बसमा पाकेट मार्ने र सिक्री लुट्न सक्रिय एउटा गिरोह पक्राउ

काठमाण्डौँ । काठमाण्डौँबाट काभ्रेको बनेपातर्फ जाने सार्वजनिक बसमा पाकेट मार्ने र सिक्री लुट्न सक्रिय एउटा गिरोहलाई प्रहरीले पक्राउ गर्न सफल भएको छ । यो गिरोह भक्तपुर क्षेत्रमा सक्रिय थियो, लगातार लुटपाट मच्चाइरहेका उनीहरूलाई उपत्यका अपराध अनुसन्धान कार्यालयले नियन्त्रणमा लिएको हो ।

पक्राउ परेका मध्ये एक कृष्ण बहादुर खड्का छन्, उमेरले ४२ वर्ष पुगेका उनी लुटपाटमा माहिर रहेका प्रहरीले जनाएको छ । मोरङ शनिश्चरे नगरपालिका–९ घर भएर भक्तपुरको सिपाडोल बस्ने खड्का यसअघि ३८ पटक पक्राउ परेको क्रिमिनल रेकर्ड सिस्टम (सीआरएस) मा भेटिएको छ ।

कार चढेर हिँडने खड्कासहित आठ जनालाई कात्तिक २६ मा पक्राउ गरिएको उपत्यका अपराध अनुसन्धान कार्यालयका एसपी काजी कुमार आचार्यले बताएका छन् । खड्का बा ४ च ३९१६ नम्बरको कार चढ्थे । ३९औँ पटक प्रहरीको कस्टडीमा पुगेका उनी लुट्न युवा परिचालन गर्ने गर्थे । उनले भक्तपुर आसपासमा सिक्री लुटपाट र पाकेटमारी धन्दा नै चलाएको प्रहरीको अनुसन्धान निष्कर्ष छ ।

थप समाचारहरु

सुनको सिक्री लुटपाट गरी भाग्दै गरेका १ जजना पक्राउ राजधानीमा ब्लुबुक कीर्ते गर्ने गिरोह सक्रिय, सचेत हुन प्रहरीको अनुरोध ज्यान मार्ने उद्योगका दुई प्रतिवादी पक्राउ २५ करोडसहित पक्राउ परेका व्यक्तिलाई प्रहरीले सार्वजनिक गर्यो दुई केजी सुनसहित चिनियाँ नागरिक पक्राउ ठगीको आरोपमा बानेश्वरबाट एक महिला पक्राउ