दाक्सु मिडिया
काठमाण्डौँ । गायिका नितु पौडेलको पार्थिव शरीरको पशुपति आर्यघाटमा अन्त्येष्टि गरिएको छ । शनिबार दिउँसो परिवारले उनको शव पोस्टमार्टमपछि अन्त्येष्टि गरेको हो ।
पौडेलको एक साताको उपचारपछि शुक्रबार मृत्यु भएको थियो । कीर्तिपुरस्थित बर्न अस्पतालमा बिहान साढे ८ बजेतिर गायिका पौडेललाई चिकित्सकले मृत घोषित गरेका थिए ।
उनले कात्तिक १ गते स्टुडियोमा गएर शरीरमा पेट्रोल छर्केर गायिका पौडेलले आत्मदाहको प्रयास गरेकी थिइन् ।
मृत्यु भएपछि उनका दाइ गणेश पौडेलले बाबुल गिरीविरुद्ध प्रहरी कार्यालयमा जाहेरी दिनुभएको छ ।
गणेशले आफ्नो बहिनीको हत्या भएको दाबी गर्दै कर्तव्य ज्यानको कसुरमा जाहेरी दिनुभएको हो । विगत ८–९ वर्षदेखि बहिनी र गिरी प्रेम सम्बन्धमा रहेको उहाँको दाबी छ । दुई जनामात्रै भएको कोठाभित्र आफ्नो बहिनीलाई जलाइएको दाबी उहाँको छ ।
यो स्टुडियो गायक बाबुल गिरीको हो ।
तपाईको प्रतिक्रिया दिनुहोस्