सोलुदुधकुण्ड नगरपालिकाले प्लास्टिक झोलामाथि कडाइ गर्दै

सोलुखुम्बु । वातावरण संरक्षण र फोहरमैला व्यवस्थापनलाई प्राथमिकता दिँदै सोलुदुधकुण्ड नगरपालिकाले प्लास्टिक झोलाको प्रयोग, बिक्री तथा वितरणमा कडाई गरेको छ । प्लास्टिकजन्य वस्तुहरूले नगर क्षेत्रमा बढ्दो फोहर, ढल अवरोध तथा जनस्वास्थ्यमा पारेको असरलाई मध्यनजर गर्दै नगरले कडाइका साथ पूर्ण प्रतिबन्ध लागू गरेको हो ।

बुधबार नगर प्रहरीले गस्तीको क्रममा प्रतिबन्धित प्लास्टिक झोला प्रयोग गरिएका केही पसलहरूमा छापासमेत मारेको छ । छापा मार्ने क्रममा प्लास्टिक झोला प्रयोग गरिएका सामग्रीहरू जफत गरिनुका साथै सम्बन्धित व्यवसायीहरूलाई चेतावनी दिइएको नगर प्रहरीले जनाएको छ ।

नगरपालिकाले सबै उपभोक्ता र व्यवसायीहरूलाई बायोडिग्रेडेबल झोला वा अन्य वातावरणमैत्री विकल्पहरू प्रयोग गर्न आह्वान गरेको छ।

यस्तै, ‘आधारभूत सरसफाइ तथा फोहरमैला व्यवस्थापन ऐन, २०७५’ अनुसार नियम उल्लंघन गरेमा पहिलोपटक २५,००० र दोहोरिएमा ५०,००० सम्म जरिवाना गरिने प्रावधान रहेको बताइएको छ।

नगरपालिकाको वातावरण शाखाका अनुसार प्लास्टिक अपशिष्टका कारण ढलजाम, जमिन र पानीको प्रदूषण मात्र नभई पशुपंक्षी तथा मानव स्वास्थ्यमा समेत नकारात्मक असर पर्ने देखिएको छ।

थप समाचारहरु

४० माइक्रोनभन्दा कमका प्लास्टिक प्रयोगमा साउन १ देखि रोक बर्षातको समयमा सोलुदुधकुण्ड नगरपालिकाले पिच सडकमा १० चक्के सवारी साधन सञ्चालनमा रोक लगाउने सोलुदुधकुण्ड नगरपालिकाले ८३ करोड ८० लाखको बजेट सार्वजनिक गर्‍यो सोलुदुधकुण्ड नगरपालिकाले दियो मिलिजुली समूहका लागि बचत, ऋण व्यवस्थापन तथा नेतृत्व विकास तालिम जथाभावी  फोहोर नफ्याक्न सोलुदुधकुण्ड नगरपालिकाको आग्रह खुम्बुले आधार शिविर व्यवस्थापनका लागि कार्यविधि निर्माण गर्दै