बागलुङमा सडक निर्माणकै क्रममा दुई मजदुरको मृत्यु

बागलुङ । निसीखोला गाउँपालिका–३ बोहरागाउँमा सडक निर्माणका क्रममा माटोको ढिस्को खस्दा दुई मजदुरको मृत्यु भएको छ।

काप्रा–बोहरागाउँ–छापाखानी सडकमा काम गरिरहेका सल्यानका २८ वर्षीय लालबहादुर बुढाथोकी र उदयपुरका ३२ वर्षीय राजु थापाको मृत्यु भएको प्रहरीले जनाएको छ।

• 

ढिस्कोमा पुरिएका अर्का मजदुर रोल्पाका कृष्ण घर्ती मगरलाई गम्भीर अवस्थामा उद्धार गरी बुर्तिबाङस्थित प्रादेशिक अस्पताल लगिएको छ। जेसिबीमार्फत सडक स्तरोन्नति गर्ने क्रममा अचानक ढिस्को खसेर मजदुरहरू पुरिएका थिए।