ओलीले एमाले सांसदलाई विशेष निर्देशन दिने

काठमाडौँ : नेकपा एमाले अध्यक्ष केपी शर्मा ओलीले पार्टीका सांसदहरूसँग आज छलफल गर्दैछन्।संसदीय दलको बैठकका लागि एमालेका सबै सांसदलाई दिउँसो १ बजे पार्टी कार्यालय च्यासलमा बोलाइएको छ।

बैठकमा पछिल्लो संसद् अधिवेशनमा एमालेले खेलेको भूमिकाको समीक्षा गरिनेछ। साथै, आगामी दिनमा संसद् र राजनीतिक गतिविधिमा सांसद तथा पार्टी नेताहरूले अपनाउनुपर्ने रणनीतिबारे अध्यक्ष ओलीले निर्देशन दिने तयारी छ।

• 

संसदीय दलकी उपनेता पद्मा अर्यालका अनुसार बैठकमा विगतका कामको समीक्षा गर्दै अबको भूमिकाबारे समेत छलफल हुनेछ।