उपत्यकामा एलपी ग्यासको मूल्य घट्यो

काठमाडौं । काठमाडौँ उपत्यकामा शुक्रबारदेखि खाना पकाउने एलपी ग्यासको मूल्य घट्ने भएको छ। अब एक सिलिन्डर ग्यास अधिकतम २ हजार ६० रुपैयाँमा बिक्री गर्न ग्यास उद्योगीलाई आग्रह गरिएको छ।

नेपाल एलपी ग्यास उद्योग संघले सडक सञ्चालनमा आएसँगै वैकल्पिक मार्गबाट ग्यास ढुवानी गर्दा लाग्दै आएको अतिरिक्त खर्च हटेको जनाएको छ।

• 

यसअघि वैकल्पिक बाटो प्रयोग गर्दा ढुवानी खर्च बढेपछि उपत्यकामा ग्यासको मूल्य २ हजार १६५ रुपैयाँ ३८ पैसा पुर्‍याइएको थियो। सडकमा यातायात सहज भएसँगै नियमित मार्गबाट ग्यास आउन थालेपछि पुरानै मूल्य कायम गर्न संघले उद्योगहरूलाई निर्देशन दिएको हो।

संघले असोज २ गते शुक्रबारदेखि नयाँ मूल्य लागू गर्न तथा विक्रेतालाई समेत सोहीअनुसार बिक्री गर्न आग्रह गरेको छ।