सन्तुलित कूटनीति अबको आवश्यकता : परराष्ट्रमन्त्री खनाल

काठमाडौं, असार १८ – परराष्ट्रमन्त्री शिशिर खनालले बदलिँदो विश्व राजनीतिक परिस्थितिमा नेपालका लागि सन्तुलित कूटनीतिको आवश्यकता झनै बढेको बताएका छन्।

सरकारले आर्थिक कूटनीति, बहुपक्षीय सहकार्य र छिमेकी देशहरूसँग सन्तुलित सम्बन्धलाई प्राथमिकतामा राखेर काम गरिरहेको उल्लेख गर्दै उनले राष्ट्रिय हितलाई केन्द्रमा राखेर विदेश नीति अघि बढाइएको बताए।

• 

मन्त्री खनालका अनुसार भारत र चीनसँगको उच्चस्तरीय भ्रमण तथा कूटनीतिक भेटवार्ताले द्विपक्षीय सम्बन्ध सुदृढ बनाउँदै आर्थिक सहकार्य विस्तार गर्न सहयोग पुगेको छ। उनले आगामी दिनमा विकासमुखी र सन्तुलित परराष्ट्र नीति नै नेपालको आवश्यकता हुने बताए।