नयाँ ६ दलले पाए प्रमाणपत्र, दल दर्ता गर्नेको सूची १७ पुग्यो

दाक्सु मिडिया

२०८२ मंसिर ३

काठमाण्डौँ । फागुन २१ गते हुने प्रतिनिधिसभा सदस्य निर्वाचन प्रयोजनका लागि निर्वाचन आयोगमा दल दर्ता गर्नेको सूची १७ पुगेको छ । आयोगले दल दर्ता आह्वान गरेको पहिलो दिन मङ्सिर १ गते १२ दलले दर्ता गराएका थिए ।

दोस्रो दिन मंगलबार जम्मा ५ दलले मात्र दर्ता गराएको प्रवक्ता नारायणप्रसाद भट्टराईले जानकारी दिएका छन् । दल दर्ता गराउनेमा अधिकांश नयाँ पार्टी रहेका छन् । यस्तै माघ ११ गते हुने राष्ट्रियसभा निर्वाचन प्रयोजनका लागि आयोगमा जम्मा चार दलले दल दर्ता गराएको छ ।