सरकार बनाउने ढाल्ने तर्फ ध्यानै छैन : नारायणकाजी श्रेष्ठ

विराटनगर : नेकपा माओवादी केन्द्रका उपाध्यक्ष नारायणकाजी श्रेष्ठले सरकारतिर माओवादीको ध्यानै नभएको दाबी गरेका छन्। आज विराटनगर विमानस्थलमा पत्रकारहरूसँग कुरा गर्दै श्रेष्ठले सरकार बनाउनेतर्फ ध्यानै नभएको बताएका हुन्।

श्रेष्ठले माओवादी केन्द्र प्रतिपक्षमा बस्ने स्पष्ट पारे। ‘हामीलाई कहिले सरकार ढाल्ने होला ? कहिले सरकारमा जाने होला ? भन्नेतर्फ ध्यानै छैन’ उनले भने‘ दुई ठूला पार्टी मिलेर सरकार बनाउनु सकारात्मक हैन। उहाँहरूले कहिलेसम्म सरकार चलाउनु हुन्छ त्यो पनि टुंगो छैन।’

श्रेष्ठले माओवादी केन्द्रले गर्न लागेको आन्दोलन सरकार ढाल्नेतर्फ केन्द्रित नहुने स्पष्ट पारे। उनले सरकार ढाल्नलाई नभई जनतामा समस्या सम्बोधनका लागि सरकारलाई दबाब दिन आन्दोलन गर्न लागेको दाबी गरे। श्रेष्ठले भने, ‘माओवादी केन्द्रले सरकार ढाल्न नभई जनजीविकाका सवालमा सरकारलाई खवरदारी गर्न आन्दोलनको तयारी गरेको हो।’

सरकार चल्दैचलेन, संकटै ल्यायो भने चाहिं सरकार विरुद्ध आन्दोलनमा जानुपर्ने अवस्था आउने श्रेष्ठले स्पष्ट पारे।

थप समाचारहरु

युवा विदेश पठाएर देशलाई वृद्धाश्रम बनाउने खतराबाट मुक्त गरेरै छोड्ने: नारायणकाजी श्रेष्ठ दार्चुला घटनामा भारतले क्षमा माग्नुपर्छः नारायणकाजी श्रेष्ठ अहिलेका उपलब्धिहरु खोस्न चाहने प्रतिगामी तत्वहरुलाई माथि उठ्न दिनुहुँदैन: नारायणकाजी श्रेष्ठ राज्यले रवि लामिछानेमाथि गरेको अनुसन्धान भेदभावपूर्ण भएको नारायणकाजीको टिप्पणी लिपुलेक नाकाबारे भारत–चीन सहमति आपत्तिजनक : नारायणकाजी श्रेष्ठ अहिलेका उपलब्धिहरु खोस्न चाहने प्रतिगामी तत्वहरुलाई माथि उठ्न दिनुहुँदैन: नारायणकाजी श्रेष्ठ