३२ प्रतिशत मतदान सकियो : निर्वाचन आयोग

काठमाडौं : निर्वाचन आयोगले पछिल्लो जानकारीअनुसार ३२ प्रतिशत मतदान सकेको जनाएको छ। आयोगका सहायक प्रवक्ता शालिग्राम शर्मा पौडेले १२:४५ बजेसम्म ३२ प्रतिशत मत खसेको जानकारी दिए।

उनले देशभरि छिटफुट घटनाबाहेक उत्साहपूर्ण मतदान भइरहेको बताए। ‘छिटफुट घटनाबाहेक देशभरि उत्साहपूर्ण मतदान भइरहेको छ। कतिपय ठाउँमा स्थगित भएको मतदान पुनः सुरु भएको छ। कतिपय ठाउँमा भने सर्वदलीय बैठक बसेर पुनः मतदान गर्ने तयारी भइरहेको छ,’ पत्रकार सम्मेलनमा सहायक प्रवक्ता पौडेलले भने। 

उनले मतदान अधिकृतहरुलाई आफूखुसी मतदान स्थगित नगर्न निर्देशनसमेत दिएको बताए। ‘हामीले सबै मतदान केन्द्रमा आयोगको समन्वय बिना मतदान स्थगित नगर्न निर्देशन दिएका छौं। हामीले ५ बजेभित्र मतदान स्थल खुला राख्न भनेका छौं,’ उनले भने।

थप समाचारहरु

निर्वाचन आयोगले भन्यो : ६१ प्रतिशत मतदान, ४ जिल्लाका १५ स्थानमा स्थगित स्थानीय निर्वाचन : आज कहाँ-कहाँ हुँदैछ पुनः मतदान ? निर्वाचन आयोगले भन्यो- सोचेभन्दा कम मत खस्यो दोलखाका १० विवादित केन्द्रमा पुनः मतदान हुने, मतदान केन्द्रका कर्मचारी कारबाहीमा पूर्वसहमति नलिइ मतदान स्थगित नगर्न आयोगको निर्देशन काभ्रेमा ३ बजे सम्ममा ४० प्रतिशत मतदान