देशभर बदली, केही प्रदेशमा वर्षा र हिमपातको सम्भावना

काठमाडौं, भदौ १० — देशमा मनसुनी वायुको प्रभाव कायमै रहेकाले आज अधिकांश क्षेत्रमा मौसम बदली रहने भएको छ। जल तथा मौसम विज्ञान विभागका अनुसार मनसुनको न्यूनचापीय रेखा औसत स्थान आसपास रहेको छ।

हाल हिमाली तथा पहाडी क्षेत्रमा सामान्य बदली छ भने कोशी, बागमती, गण्डकी र लुम्बिनीका केही स्थानमा हल्कादेखि मध्यम वर्षा भइरहेको छ।

• 

दिउँसो कोशी, बागमती र गण्डकीका हिमाली क्षेत्रमा तथा लुम्बिनी, कर्णाली र सुदूरपश्चिमका केही हिमाली भागमा मेघगर्जन र चट्याङसहित वर्षा तथा हिमपात हुनसक्ने पूर्वानुमान छ।

राति पनि अधिकांश क्षेत्रमा बदली रहनेछ। केही हिमाली क्षेत्रमा वर्षा र हिमपातको सम्भावना रहेकाले यात्रा तथा बाहिरी काम गर्दा आवश्यक सावधानी अपनाउन मौसमविद्ले सुझाव दिएका छन्।