पहिरोपछि दुई प्रमुख सडकमा यातायात ठप्प

काठमाडौं : लगातारको वर्षासँगै खसेको पहिरोका कारण म्याग्दी र मनाङका दुई महत्वपूर्ण सडकखण्डमा यातायात पूर्णरूपमा रोकिएको छ।

म्याग्दीको रघुगङ्गा–२ बैसरीमा बिहान करिब ५ः३० बजे सडक माथिबाट लेदोसहित पहिरो खसेपछि बेनी–जोमसोम सडक बन्द भएको हो।

• 

• 

यस्तै, मनाङको नासो–३ खोत्रोमा बिहान करिब ३ बजे पहिरो खस्दा चामे–बेँसीसहर सडक अवरुद्ध भएको प्रहरीले जनाएको छ।

दुवै स्थानमा पहिरो पन्छाएर सडक सञ्चालनमा ल्याउने काम भइरहेको छ।