फिलिपिन्समा बाढी–पहिरोको वितण्डा, १९ जनाको मृत्यु

काठमाडौँ — फिलिपिन्समा चक्रवात र भारी वर्षाका कारण आएको बाढी तथा पहिरोमा परी कम्तीमा १९ जनाको मृत्यु भएको छ भने १५ जना घाइते भएका छन्। चार जना अझै बेपत्ता रहेको सरकारले जनाएको छ।

प्रभावितमध्ये बेङ्गुएटमा १२, रिजालमा चार र बटाङ्गासमा तीन जनाको ज्यान गएको छ। भारी वर्षाबाट देशका ११ क्षेत्रका करिब २२ लाख ७० हजार मानिस प्रभावित भएका छन्।

• 

• 

सरकारले विस्थापितलाई आश्रय दिन ९०० भन्दा बढी सहायता केन्द्र सञ्चालनमा ल्याएको छ भने प्रभावितका लागि ७ करोड ३० लाखभन्दा बढीको राहत उपलब्ध गराइएको जनाएको छ।