दाक्सु मिडिया
काठमाण्डौँ । ह्वाट्सएपले ग्रुप च्याट फिचरमा ‘एक्जिट’ (Exit) सम्बन्धी नियममा परिवर्तन गरेको छ । अब कुनै पनि सदस्यले ह्वाट्सएप ग्रुप छोड्दा सो ग्रुपका एड्मिनलाई मात्र नोटिफिकेसन जाने भएको छ ।
यसअघि ग्रुप छोड्दा सबै सदस्यले थाहा पाउने गरी नोटिफिकेसन जाने गरेकोमा अब सुटुक्क ग्रुप छोड्न सकिने भएको हो । यद्यपि, ग्रुप छोडेपछि पनि प्रयोगकर्ताको विवरण ६० दिनसम्म देखिने ह्वाट्सएपले जनाएको छ ।
‘ग्रुप इन्फो’ भित्र रहने ‘पास्ट मेम्बर्स’ (Past Members) को लिस्टमा ग्रुप छोड्ने व्यक्तिको नाम र मोबाइल नम्बर ६० दिनसम्म अन्य सदस्यले हेर्न सक्नेछन् । प्रयोगकर्ताको सेटिङ अनुसार प्रोफाइल फोटो पनि देखिन सक्नेछ ।
प्रयोगकर्ताले ग्रुपबाट बाहिरिँदा ‘एक्जिट’ मात्र गर्ने वा ‘एक्जिट एन्ड डिलिट’ गर्ने विकल्प छान्नुपर्ने हुन्छ । ग्रुप डिलिट गर्दा च्याट हिस्ट्री र ग्यालरीमा सेभ भएका मिडिया फाइलहरू फोनबाट हट्नेछन् । एकपटक डिलिट भइसकेको ग्रुप र डेटा फेरि रिस्टोर गर्न नसकिने कम्पनीले स्पष्ट पारेको छ ।
थप समाचारहरु
अपि पावर र ङादी ग्रुप पावरको बोनस सेयरमा मूल्य समायोजन
प्रयोगकर्ताको डेटा दुरूपयोग गरेको भन्दै टिकटक विरूद्द उजुरी
रेखा शर्मा सम्बन्धी बालेनको चर्चित स्टाटस डिलिट
भोटेकोशी जेनजी ग्रुप’को आन्दोलन सफल, १०% नि:शुल्क शेयरमा सहमति
ह्याकरको बिगबिगि : ५० कराेड फेसबुक प्रयोगकर्ताको फोन नम्बर वेबसाइटमा
संवैधानिक परिषद सम्बन्धी अध्यादेश मुद्धाको सुनुवाई हुँदै
तपाईको प्रतिक्रिया दिनुहोस्