भैरहवामा अलपत्र यात्रु लिन वायुसेवा निगमको विमान उड्यो

काठमाण्डौँ । भैरहवामा अलपत्र यात्रुको चार्टर्ड उडानमार्फत काठमाडौँ ल्याउन भनी नेपाल वायुसेवा निगम (नेपाल एयरलाइन्स) को ‘न्यारो बडी ए ३२०’ विमान त्यसतर्फ उडेको छ ।

काठमाडौँबाट ८३ यात्रु लिएर गएको ‘आरए १७३१’ उडान नम्बरको विमानले भैरहवास्थित गौतमबुद्ध अन्तरराष्ट्रिय विमानस्थलबाट १५१ यात्रु लिएर काठमाडौँ आउनेछ । यद्यपि यात्रु सङ्ख्या केही तलमाथि हुनसक्ने निगमले जनाएको छ।

निगमले आरए १७३२ उडानमार्फत दिउँसो २स्४५ बजे काठमाडौँ उडानको तालिका बनाएको भए पनि निर्धारित समयभन्दा ढिलो उडेकाले समय लाग्ने जनाइएको छ ।

प्रधानमन्त्री सुशीला कार्कीको विशेष पहल र मुख्यसचिव एकनारायण अर्यालको समन्वयमा नेपाल वायुसेवा निगमको विमानमार्फत भैरहवा आसपासमा अलपत्र परेका यात्रुहरूलाई काठमाडौँ ल्याउन लागिएको हो ।

वायुसेवा निगमले उद्धार उडानमार्फत देशमा बाढी र पहिरोका कारण सिर्जित विषम परिस्थितिमा सरकारको विशेष निर्देशनबमोजिम आज एक उद्धार उडान गरिएको जनाएको छ ।

उक्त उडानमा काठमाडौँबाट ५ हजार र भैरहवाबाट ७ हजार भाडादर तोकिएको छ ।

उद्धार उडानमा अशक्त, ज्येष्ठ नागरिक बिरामी तथा अत्यावश्यक यात्रुलाई विशेष प्राथमिकता दिइने निगमले स्पष्ट गरेको छ । गौतमबुद्ध अन्तरराष्ट्रिय विमानस्थका महाप्रबन्धक प्रतापबाबु तिवारीका अनुसार भैरहवामा उल्लेख्य सङ्ख्याका यात्रु उडानको प्रतीक्षामा छन् ।

थप समाचारहरु

६ दिनअघि बनाएर ल्याएको निगमको जहाज फेरि बिग्रियो, १४९ यात्रु अलपत्र नेपाल एयरलाइन्सको जहाज जापानमा बिग्रिंदा २६१ यात्रु अलपत्र वायुसेवा निगमको लापरबाहीले आन्तरिक उडान पूर्ण रुपमा बन्द निगमको वाइड बडी जहाज सी चेक सम्पन्न गरेर दुई महिनापछि फर्कियो वायुसेवा निगमले तिर्‍यो असोजसम्मको ५३ करोड किस्ता श्रीलङ्कन एयरको काठमाडौँ सीधा उडान सुरु