दाक्सु मिडिया
काठमाडौं – नेपाल विद्युत प्राधिकरण (नेपाले) डेडिकेटेड र ट्रंक लाइनमार्फत विद्युत उपभोग गर्ने उद्योगहरूलाई बक्यौता चुक्ता गर्न २१ दिनको समय सीमा दिएको छ।
असोज १० गते बसेको प्राधिकरणको सञ्चालक समिति बैठकले बक्यौता असुली प्रक्रिया तीव्र बनाउने निर्णय गरेपछि, आइतबार सूचना प्रकाशित गर्दै उद्योगीहरूलाई कात्तिक १७ गतेभित्र सबै बक्यौता तिर्न आग्रह गरिएको हो।
सूचनामा प्राधिकरणले चेतावनी दिँदै भनेको छ कि तोकिएको समयभित्र बक्यौता नतिरेमा कानुनी कारबाहीसहित सेवा कटौतीको विकल्प रोजिनेछ।
यो निर्णय ऊर्जा मन्त्रालयको कार्यवाहक मन्त्रीका रूपमा कुलमान घिसिङले पदभार सम्हालेपछि गरेका पहिलो ठूला निर्णयहरूमध्ये एक हो। डेडिकेटेड र ट्रंक लाइनको विद्युत प्रयोग गर्ने संस्थाहरूले लामो समयदेखि प्राधिकरणलाई करोडौँ रुपैयाँ बक्यौता तिर्न बाँकी रहेको बताइएको छ।
यसबीच लक्ष्मी बैंक र एनसेल जस्ता प्रमुख संस्थाहरू पनि बक्यौता सूचीमा परेका छन्, यद्यपि प्राधिकरणले व्यक्तिगत नाम सार्वजनिक गरेको छैन।
थप समाचारहरु
बक्यौता कर तिर्न महानगरले गोपीकृष्ण सिनेमा हललाई दियो ७ दिने अल्टिमेटम
डेडिकेटेड र ट्रंक लाइन प्रयोग गर्नेमाथि विद्युत चोरीको कसुरमा कारबाही हुने चेतावनी
विद्युत बक्यौता उठाउन हितेन्द्रलाई कुलमानको निर्देशन
विद्युत प्राधिकरणले सडक बत्तीको पैसा मागेपछि विराटनगर महानगरले माग्यो पोल भाडा र सम्पत्ति कर
छ सय ग्राहकको विद्युत्को लाइन काटिँदै
प्रदेश १ मा २१ सय क्षमताको कोभिड डेडिकेटेड अस्पतालको तयारी
तपाईको प्रतिक्रिया दिनुहोस्