वैदेशिक रोजगारीमा पठाइदिन्छु भन्दै ठगी गर्ने दुई जना पक्राउ

काठमाण्डौँ । वैदेशिक रोजगारीमा युएई र दक्षिण कोरिया पठाइदिन्छु भन्दै रकम ठगी गरेको अभियोगमा २ जना पक्राउ परेका छन् ।

पक्राउ पर्नेहरूमा टोखा नगरपालिका-३ बस्ने नुवाकोटको म्यागङ गाउँपालिका(१ घर भएका ५४ वर्षीय न्याउरे तामाङ र काठमाडौं महानगरपालिका-३० बस्ने ताप्लेजुङको सिदिङ्वा गाउँपालिका- ६ घर भएका ३५ वर्षीय जीवन कडरिया रहेका छन् ।

पक्राउ मध्ये न्याउरेले युएई पठाइदिन्छु भन्दै २ जना पीडितबाट २ लाख ६९ हजार रुपैयाँ र जिवनले दक्षिण कोरिया पठाइदिन्छु भन्दै ३ जना पीडितबाट ३ लाख २० हजार रुपैयाँ लिई सम्पर्कबिहीन भएको भन्ने पीडितहरूको उजुरीका आधारमा काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले न्याउरेलाई टोखा नगरपालिका ३ बाट र दीपकलाई काठमाडौं महानगरपालिका-२६ बाट पक्राउ गरेको हो ।

उनीहरूलाई आवश्यक अनुसन्धान तथा कारबाहीका लागि वैदेशिक रोजगार विभाग ताहाचल काठमाडौं पठाइएको छ ।

थप समाचारहरु

इजरायल र जापान पठाइदिन्छु भन्दै ठगी गरेको आरोपमा २ जना पक्राउ युरोप पठाइदिन्छु भन्दै रकम ठगी गरेको अभियोगमा पक्राउ युरोप पठाइदिन्छु भन्दै रकम ठगी गरेको अभियोगमा पक्राउ कोरिया पठाइदिने भन्दै एक करोडभन्दा बढी ठगी गर्ने पक्राउ ‘इनिस्पेक्टर’ हुँ भन्दै ठग्ने र स्कुटर चोरी गर्ने गिरोहसहित आठजना पक्राउ विदेश पठाउँछु भन्दै ठगी गर्ने श्रेष्ठ ११ वर्षपछि पक्राउ