दाक्सु मिडिया
काठमाडौं : प्रधानमन्त्री पुष्पकमल दाहाल ‘प्रचण्ड’ले टिकापुर घटनामा दोषी ठहर भएकालाई कानुनअनुसार कारबाही हुने बताएका छन्।
प्रतिनिधिसभाको आजको बैठकमा सांसदहरूले सोधेका प्रश्नहरूको जवाफ दिँदै प्रधानमन्त्रीले टिकापुरमा जनधनको अपुरणीय क्षति भएको बताए।
‘टिकापुर घटना एउटा दुखद घटना हो, जसमा जनधनको अपुरणीय क्षति हुन पुग्यो,’ प्रधानमन्त्री प्रचण्डले भने, ‘घटनाका विषयमा दोषी ठहर भएका व्यक्तिहरूको हकमा कानुन बमोजिम नै हुनेछ।’
कैद माफी मिनाहाको विषय पनि कानुन बमोजिम नै हुने उनले बताए।
थारूलगायत आर्थिक तथा सामाजिक रूपमा पछाडि परेका समुदायको पहिचान स्थापित गर्ने र आर्थिक तथा सामाजिक सशक्तिकरणमार्फत समुदायको अधिकार सुनिश्चित गर्ने विषयमा सरकार गम्भीर रहेको बताउँदै प्रधानमन्त्री प्रचण्डले सोही आधारमा आवधिक योजना, वार्षिक नीति कार्यक्रम तथा बजेटमार्फत सरकारले विभिन्न कार्यक्रम सञ्चालन गरिरहेको जानकारी दिए।
‘सरकारले आवधिक बजेट तर्जुमा गर्दा प्रचलित ऐन, कानुन, बजेट तर्जुमा दिग्दर्शन एवं प्रणाली अनुरूप छलफल तथा स्वीकृति गर्ने प्रकृयामा सबै जनप्रतिनिधिको अहम भूमिका रहनेमा दुईमत छैन,’ प्रधानमन्त्रीले भने।
थप समाचारहरु
एमसीसीमा पारित हुन्छः प्रधानमन्त्री देउवा
कृषि उद्योगमात्र नेपालमा दिगो हुन्छ : प्रधानमन्त्री प्रचण्ड
ओलीलाई प्रचण्डको जवाफ: जनताको ‘राउन्ड किक’ कस्तो हुन्छ, अब देख्नेछन्
कोप २८ मा प्रचण्डको सम्बोधन : नेपालीमाथि अन्याय भएको छ, यसको अन्त्य हुनुपर्छ
कुलमानबारे प्रधानमन्त्रीले स्पष्ट जवाफ नदिए संसद् चल्न नदिने प्रचण्डको चेतावनी
रेडपाण्डा चोरी सिकारी गरेको अभियोगका दोषी कारागार चलान
तपाईको प्रतिक्रिया दिनुहोस्