×

एक महिने स्वस्थानी व्रत र माघ स्नान सुरु

माघ ११, २०८० | दाक्सु मिडिया सम्वाददाता

पौष शुक्लपूर्णिमादेखि माघ शुक्लपूर्णिमासम्म एक महिना स्वस्थानी व्रत र माघ स्नान गरिन्छ । पौष शुक्ल चतुर्दशीको दिन हात–गोडाका नङ काटी स्नान गरी शुद्ध वस्त्र पहिरिएर यसको सुरुवात हुन्छ ।

बिहान माघ स्नान गरी मध्याह्नकालमा महादेवको पूजा गरिन्छ । बेलुकी स्कन्द पुराणको केदार खण्ड अन्तर्गत माघ माहात्म्यको कुमार अगस्त्यबीच संवाद भएको स्वस्थानी व्रत कथा सुन्ने, सुनाउने परम्परा छ । कुल परम्परा अनुसार कथावाचन भने कसैले बिहान त कसैले बेलुकी गर्छन् ।

स्वस्थानीको पहिलो दिन आज बिहानै साँखुस्थित शालीनदीमा माघस्नान गर्नेहरूको भीड लागेको छ । यहाँबाट स्नानसहित माधवनारायणको मेला समेत सुरु हुन्छ ।

फेसबुकबाट तपाईको प्रतिक्रिया

%d bloggers like this: