नवलपुरमा पहिरो: तीनजना बेपत्ता

नवलपुर । बुधबार रातिदेखि परेको अविरल वर्षाका कारण नवलपरासी (बर्दघाट–सुस्तापूर्व)को हुप्सेकोटमा पहिरो खस्दा तीन बेपत्ता भएका छन् । हुप्सेकोट–४ माथिल्लो चारघरे रुम्सीमा शुक्रबार बिहान खसेका पहिरोमा परी तीन बेपत्ता हुनुका साथै एक घाइते भएका जिल्ला प्रहरी कार्यालयले जनाएको छ ।

कार्यालयका सूचना अधिकारी मधुसुदन सिंहका अनुसार पहिराले चार घरेका ५० वर्षीय हस्तबहादुर पुलामीको घरमा पूर्णरुपमा क्षति पुर्याएको छ । उनका अनुसार पहिराले पुरेका अवस्थामा उहाँलाई स्थानीय र प्रहरीले उद्धार गरी उपचारका लागि मध्यबिन्दु जिल्ला अस्पताल डण्डामा ल्याइएको छ । पहिरामा बेपत्ता भएकाको खोजी जारी छ ।

पहिरोमा परी पुलामीकी ४० वर्षीया श्रीमती धनमाया , सात वर्षीया नातिनी भूमिसरा र छ वर्षीया नातिनी देउमाया पुलामी बेपत्ता भएका सूचना अधिकारी सिंहले बताए । रासस

थप समाचारहरु

लमजुङ पहिरो अपडेटः बेपत्ता वृद्धको शव भेटियो, अन्य ३ को खोजीमा कठिनाई धार्चे पहिरो: बेपत्ता थप एक युवकको शव सात दिनपछि भेटियाे बाढी पहिरो क्षति : काभ्रेमा ६ जना बेपत्ता, ७८ जनाको मृत्यु पर्वत पहिरो अपडेट : तीन वर्षीय बालकसहित ११ को मृत्यु नवलपुरमा सर्पले डस्दा १४ वर्षीय बालकको मृत्यु पोखरामा पहिरो: ३ जनाको मृत्यु