६ असार, काठमाडौं । कपिलवस्तुको कृष्णनगर नगरपालिकाबाट प्रहरीद्वारा बन्दुक, गोली र बारुद बरामद गरिएको छ । कृष्णनगर नगरपालिका–८ लोहरौला बस्ने अस्लम मुसलमानको बाख्राकाे खोरबाट उक्त हातहतियार बरामद भएको हो।
प्रहरीले बरामद गरेको हातहतियारमा दुई थान बाह्रबोर बन्दुक, पाँच थान जङ्गी राउन्ड गोली, ११ थान बाह्रबोर बन्दुकको पड्किएको खोका, तीन सय ग्राम बारुद जस्तो देखिने कालो धुलो, ५७ वटा छर्रा र जनावरलाई पासो लगाउन प्रयोग गरिने तीन वटा जाल रहेको जनाइएको छ ।
हातहतियार लुकाएको सूचनाका आधारमा इलाका प्रहरी कार्यालय बहादुरगञ्ज र इलाका प्रहरी कार्यालय गणेशपुरबाट खटिएको प्रहरीले खोर तलासी गर्दा हातहतियार बरामद गरेको हो । अस्लम मुसलमानको खोजीकार्य भइरहेको जिल्ला प्रहरी कार्यालय कपिलवस्तुले जनाएको छ ।
यस्तै सुनसरी, बराह क्षेत्र नगरपालिका २ तेह्रअर्डीको विश्वकर्मा मन्दिर नजिकै झाडीमा बेवारिसे अवस्थामा रहेको एक नाल भरुवा बन्दुक प्रहरीले बरामद गरेको छ ।
फेसबुकबाट तपाईको प्रतिक्रिया