राष्ट्रियसभा बैठकमा आज मन्त्रीहरूको जवाफ र विधेयक प्रस्तुत हुने

काठमाडौं । सङ्घीय संसद् राष्ट्रियसभाको बैठक आज दिउँसो १ः१५ बजे सिंहदरबारमा बस्दैछ। बैठकमा विभिन्न मन्त्रालयसँग सम्बन्धित प्रश्नोत्तर तथा विधेयक प्रस्तुत गर्ने कार्यसूची रहेको छ।

बैठकमा गृहमन्त्री सुधन गुरुङ र महिला, बालबालिका, लैङ्गिक तथा यौनिक अल्पसंख्यक तथा सामाजिक सुरक्षामन्त्री सिता बादीले सांसदका मौखिक प्रश्नको जवाफ दिने कार्यक्रम छ।

• 

• 

त्यस्तै, राष्ट्रियसभा सदस्य कमला पन्तले मनसुनजन्य विपद् व्यवस्थापनमा सरकारको तयारीबारे गृहमन्त्रीको ध्यानाकर्षण गराउनेछिन्। कृषि, वन तथा पर्यावरणमन्त्री गीता चौधरीले ‘सङ्क्रामक पशु रोग (नियन्त्रण) विधेयक, २०८३’ सभामा प्रस्तुत गर्ने कार्यसूचीसमेत रहेको छ।