मनसुन सक्रिय : अधिकांश क्षेत्रमा वर्षा र चट्याङको सम्भावना

काठमाडौं, साउन १४ — देशभर मनसुनी प्रणाली सक्रिय रहेकाले आज अधिकांश स्थानमा बदली रहने र विभिन्न क्षेत्रमा वर्षाको सम्भावना रहेको मौसमविद्ले जनाएका छन्।

पहाडी तथा हिमाली भेगका केही स्थानमा हल्कादेखि मध्यम वर्षा हुने अनुमान छ भने तराईका केही क्षेत्रमा चट्याङसहित पानी पर्ने सम्भावना रहेको छ। विशेषगरी कोशी, मधेस, बागमती, गण्डकी, लुम्बिनी र सुदूरपश्चिमका केही भूभागमा वर्षा हुन सक्ने पूर्वानुमान गरिएको छ।

• 

रातिको समयमा पनि मौसम सामान्यदेखि पूर्ण बदली रहनेछ। वर्षा र चट्याङको सम्भावना कायम रहेकाले आवश्यक सतर्कता अपनाउन मौसमविद्ले आग्रह गरेका छन्।