देशभर वर्षाको सम्भावना, केही क्षेत्रमा भारी पानी पर्ने चेतावनी

देशभर मनसुनी प्रणाली सक्रिय रहेकाले सोमबार अधिकांश स्थानमा बदली रहने र मेघगर्जन तथा चट्याङसहित वर्षा हुने सम्भावना रहेको छ।

जल तथा मौसम विज्ञान विभागका अनुसार कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशका विभिन्न स्थानमा हल्कादेखि मध्यम वर्षा भइरहेको छ। दिउँसो र राति पनि पहाडी तथा तराईका धेरै क्षेत्रमा वर्षा जारी रहने अनुमान गरिएको छ।

• 

विभागले विशेषगरी कोशी, बागमती, गण्डकी, लुम्बिनी तथा सुदूरपश्चिमका केही स्थानमा भारी वर्षा हुन सक्ने भएकाले आवश्यक सतर्कता अपनाउन आग्रह गरेको छ।