सिम प्रतिस्थापन अब अनलाइनबाटै, टेलिकमको नयाँ सुविधा

काठमाडौं । नेपाल टेलिकमले हराएको वा बिग्रिएको सिमकार्ड प्रतिस्थापनका लागि अनलाइनबाटै आवेदन दिन सकिने सेवा सञ्चालनमा ल्याएको छ। साउन १ गतेदेखि लागू भएको यो सेवाअन्तर्गत ग्राहकले टेलिकमको ई–सिम पोर्टलमा लगइन गरी ‘Apply for Lost/Damaged SIM’ विकल्पमार्फत नयाँ सिमका लागि आवेदन दिन सक्नेछन्।

आवेदन स्वीकृत भएपछि ग्राहक वा उनका प्रतिनिधिले सम्बन्धित सेवा केन्द्रबाट ५० रुपैयाँ शुल्क तिरेर नयाँ सिम प्राप्त गर्न सक्नेछन्।

• 

टेलिकमका अनुसार यही पोर्टलमार्फत नयाँ प्रिपेड ई–सिम लिन, फिजिकल सिमलाई ई–सिममा रूपान्तरण गर्न तथा ग्राहक विवरण (केवाईसी) अद्यावधिक गर्नेसमेत सुविधा उपलब्ध रहेको छ। यस सेवाले सिम प्रतिस्थापन प्रक्रिया अझ छिटो र सहज हुने विश्वास टेलिकमले जनाएको छ।