बैंककको नाइट क्लबमा भीषण आगलागी, २७ जनाको ज्यान गयो

काठमाडौँ : थाइल्याण्डको राजधानी बैंककस्थित एक नाइट क्लबमा सोमबार राति भएको भीषण आगलागीमा २७ जनाको मृत्यु भएको छ भने ६० भन्दा बढी घाइते भएका छन्। मृतकमध्ये ९ जना पुरुष र १८ जना महिला रहेको थाई सरकारले जनाएको छ।

स्थानीय समयअनुसार राति करिब ११:३० बजे उत्तरी बैंककको ना लाडफ्राओ क्षेत्रमा रहेको क्लबमा आगलागी भएको थियो। दमकल टोलीले करिब आधा घण्टाको प्रयासपछि आगो नियन्त्रणमा लिएको जनाएको छ।

• 

घाइतेहरूको विभिन्न अस्पतालमा उपचार भइरहेको छ। आगलागीको वास्तविक कारण खुल्न बाँकी रहेकाले सम्बन्धित निकायले घटनाबारे विस्तृत अनुसन्धान सुरु गरेको छ।