कर्णाली राजमार्गमा मिनीबस दुर्घटना: गाडी नदीमा खस्दा उद्धार जारी

काठमाडौँ : दैलेखमा सुर्खेतबाट कालीकोट जाँदै गरेको यात्रुवाहक मिनीबस कर्णाली नदीमा खसेको छ।

कर्णाली राजमार्गअन्तर्गत चामुण्डाबिन्द्रासैनी नगरपालिका–७ स्थित साङ्गेटारा क्षेत्रमा क.प्र. ०२–००१ ख १०५५ नम्बरको फोर्स गाडी सडकबाट करिब ४०० मिटर तल खसेको प्रहरीले जनाएको छ।

• 

दुर्घटनापछि घटनास्थलबाट एक जनालाई अचेत अवस्थामा उद्धार गरिएको जिल्ला प्रहरी कार्यालय दैलेखले जनाएको छ। गाडीमा कति यात्रु सवार थिए भन्ने यकिन नभएको र अन्यको अवस्था अझै अज्ञात रहेको छ।

प्रहरी र स्थानीयवासीले उद्धार कार्य जारी राखेका छन्।