दक्षिणी लेबनानमा इजरायली हवाई हमला, १६ जनाले ज्यान गुमाए

काठमाडौँ । दक्षिणी लेबनानका विभिन्न क्षेत्रमा इजरायलले गरेको हवाई तथा ड्रोन आक्रमणमा कम्तीमा १६ जनाको मृत्यु भएको छ। स्थानीय सञ्चारमाध्यमका अनुसार नबातीह जिल्लाका हारुफ, शर्कीह, कफर तथा आसपासका बस्तीहरू मुख्य निशानामा परेका थिए।

आक्रमणका क्रममा केही घरहरू पूर्ण रूपमा ध्वस्त भएका छन् भने धेरै मानिस घाइते र बेपत्ता भएको बताइएको छ। नबातीह सहर, कफर तेबनिट र रिहान क्षेत्रतर्फ पनि लगातार बमबारी गरिएको जनाइएको छ।

• 

यस्तै, डुइर नगरपालिका नजिक मोटरसाइकलमा भएको ड्रोन आक्रमणमा एक जनाको मृत्यु र अर्का एक जना घाइते भएका छन्। घटनापछि उद्धार तथा खोजी कार्य जारी रहेको छ।

क्षेत्रीय तनाव कम गर्ने प्रयास भइरहेका बेला पनि इजरायल र लेबनान सीमाक्षेत्रमा हिंसात्मक गतिविधि रोकिएको छैन।