सिरहामा अवैध नदी उत्खननविरुद्ध प्रहरीको कारबाही, ११ सवारी साधन नियन्त्रणमा

सिरहाका विभिन्न क्षेत्रमा नदीजन्य सामग्रीको अवैध उत्खनन तथा ढुवानीमा संलग्न सवारी साधनमाथि प्रहरीले कारबाही गरेको छ। अभियानका क्रममा एउटा स्काभेटर र १० वटा टिपर नियन्त्रणमा लिइएको प्रहरीले जनाएको छ।

कमला नदी र गागनखोला आसपासका क्षेत्रमा संयुक्त सुरक्षा टोलीले अनुगमन गर्दा ग्राभेल बोकेका सवारी साधन फेला परेका हुन्। प्रहरी पुगेपछि अधिकांश चालक सवारी साधन छाडेर फरार भएका बताइएको छ।

• 

• 

नियन्त्रणमा लिइएका सवारी साधनमाथि आवश्यक कानुनी प्रक्रिया अघि बढाइएको छ भने घटनाबारे थप अनुसन्धान जारी रहेको प्रहरीले जनाएको छ।