महाधिवेशन तयारीबारे निर्णय गर्न राप्रपाको उच्चस्तरीय बैठक बोलाइयो

काठमाडौँ — राष्ट्रिय प्रजातन्त्र पार्टी (राप्रपा) ले आगामी महाधिवेशनको तयारी तथा केन्द्रीय समिति बैठकका एजेन्डा तय गर्न केन्द्रीय कार्यसम्पादन समिति बैठक बोलाएको छ।

पार्टीका अनुसार असार ४ गते दिउँसो १२:३० बजे बस्ने बैठकले महाधिवेशनसम्बन्धी महत्वपूर्ण विषयमा छलफल गर्नेछ। त्यसपछि असार ५ र ६ गते केन्द्रीय समिति बैठक आयोजना गरिने कार्यक्रम छ।

• 

• 

हालै पार्टीका केही वरिष्ठ नेतासहित १८६ जना सदस्यले पार्टी छाडेपछि राप्रपाले पहिलो पटक कार्यसम्पादन समिति बैठक गर्न लागेको हो। बैठकबाट महाधिवेशनको मिति निर्धारण हुने अपेक्षा गरिएको छ।