धादिङमा खानेपानी प्राविधिकमाथि आक्रमण गर्ने दुई पक्राउ

काठमाडौं, २९ जेठ — धादिङमा खानेपानी आयोजनाका प्राविधिकमाथि कुटपिट गरेको आरोपमा दुई जनालाई प्रहरीले पक्राउ गरेको छ।

पक्राउ पर्नेमा नीलकण्ठ नगरपालिका–४ का ४० वर्षीय सञ्जीव मल्ल र ५७ वर्षीय बलबहादुर मल्ल ठकुरी रहेका छन्। उनीहरूलाई काठमाडौंको गोङ्गबु क्षेत्रबाट नियन्त्रणमा लिइएको प्रहरीले जनाएको छ।

• 

• 

जेठ २७ गते धादिङ पौवामा आयोजना स्थल निरीक्षणका लागि जाँदै गरेका खानेपानी तथा ढल व्यवस्थापन कार्यालयका सब–इन्जिनियर सुरेश आले र सुपरभाइजर हबेन्द्रकुमार यादवमाथि आक्रमण भएको थियो।

घटनापछि फरार भएका दुवै जनालाई पक्राउ गरी थप अनुसन्धान तथा कानुनी कारबाहीका लागि धादिङ पठाइएको प्रहरीले जनाएको छ।