दाक्सु मिडिया
काठमाडौं — देशभर मादक पदार्थ सेवन (मापसे) गरेर सवारी चलाउँदा गत वैशाख महिनामा १२४ सवारी दुर्घटना भएको प्रहरीले जनाएको छ। ती दुर्घटनामा १२ जनाको मृत्यु भएको छ भने १७४ जना घाइते भएका छन्।
नेपाल प्रहरीका केन्द्रीय प्रहरी प्रवक्ता प्रहरी नायब महानिरीक्षक अविनारायण काफ्लेका अनुसार काठमाडौँ उपत्यकामा मात्र ३७ दुर्घटनामा २ जनाको मृत्यु र ५० जना घाइते भएका छन्।
प्रदेशगत विवरणअनुसार कोशीमा ३५ दुर्घटनामा २ जनाको मृत्यु, बागमतीमा १२ दुर्घटनामा १ जनाको मृत्यु, गण्डकीमा ५ दुर्घटनामा ४ जनाको मृत्यु, र लुम्बिनीमा ९ दुर्घटनामा ३ जनाको मृत्यु भएको छ।
प्रहरीले मापसे नियन्त्रण अभियानलाई थप कडाइ गरिएको बताउँदै राति, चाडपर्व र सार्वजनिक बिदामा यस्तो घटना बढी हुने गरेको जनाएको छ। ट्राफिक प्रहरीले चालकहरूलाई नियम पालना गर्न र जिम्मेवार भएर सवारी चलाउन आग्रह गरेको छ।
तपाईको प्रतिक्रिया दिनुहोस्