आज काँग्रेसले सुर्खेतमा प्रदेशस्तरीय भेला गर्दै

काठमाडौँ । आज नेपाली काँग्रेसले कर्णाली प्रदेशको सुर्खेतमा ‘प्रदेश र स्थानीय तह केन्द्रित प्रदेशस्तरीय भेला’ गर्दैछ ।

सुर्खेतको वीरेन्द्रनगरस्थित शुभ होटलमा काँग्रेसले मध्यान्हदेखि दुई दिने प्रदेशस्तरीय भेला सुरु गर्न लागेको हो ।

• 

• 

• 

भेलालाई काँग्रेस सभापति गगन थापा, उपसभापति विश्वप्रकाश शर्मा र महामन्त्री प्रदीप पौडेल लगायतका शीर्ष नेताहरूले सम्बोधन गर्ने बताइएको छ ।

काँग्रेसले यसअघि वैशाख २६ र २७ गते कैलालीको धनगढीमा प्रदेशस्तरीय भेला आयोजना गरेको थियो । वैशाख ३१ देखि जेठ १ गतेसम्म गण्डकी प्रदेशस्तरीय भेला पोखरामा तथा जेठमा ४ र ५ गते बागमती प्रदेशस्तरीय भेला काभ्रेपलाञ्चोकको धुलिखेलमा हुने काँग्रेसले जनाएको छ ।

त्यसैगरी मधेश प्रदेशको भेला जेठ ६ र ७ गते महोत्तरीको बर्दिबासमा, कोशी प्रदेशको जेठ ८ र ९ गतेसम्म सुनसरीको लौकी तथा लुम्बिनी प्रदेशको जेठ १४ र १५ गते रुपन्देहीको तिलोत्तमामा आयोजना गरिने भएको छ ।